Almatyda taǵy 10 aınalma jol jabyldy
ALMATY. QazAqparat – Almaty qalasynda taǵy 10 aınalma jol jabyldy, dep habarlaıdy QazAqparat tilshisi.
Almaty qalalyq PD málimetinshe, baqylaý-ótkizý pýnktiniń jazbasyna sáıkes bir kúnde qalaǵa 3 myń 416 avtokólik kirdi, onyń ishinde 3 myń 130 adam boldy. Sonymen qatar, qaladan bir táýlikte 3 myń 894 kólik shyqty, onyń ishinde 3 myńnan asa jolaýshy bolǵan.
«Arnaıy mamandandyrylǵan aýdanaralyq ákimshilik sotymen QR Ákimshilik quqyq buzýshylyq kodeksiniń 476-baby boıynsha 132 ákimshilik materıal qaraldy, onyń ishinde 74 adam ákimshilik qamaýǵa alyndy, qalǵandaryna aıyppul salyndy. Sondaı-aq, jedel qyzmet jáne jol-patrýldik polıtsııa kúshterimen qaladan kirý / shyǵý úshin aınalma joldardy belgileý maqsatynda Almaty oblysymen shekaralas aımaqtardy aınalyp ótti. Sonymen, tekseris barysynda 40 aınalma jol anyqtalyp, arnaıy betondy bloktar ornatyldy jáne Ulttyq áskerı qyzmetkerlerdiń qatarynan narıadtar qoıylyp, joldar buǵattaldy: Alataý aýdanynda – 18, Jetisý aýdanynda – 9, Medeý aýdanynda – 6, Naýryzbaı aýdanynda – 4 jáne Túrksib aýdanynda – 3», – deıdi Almaty qalalyq PD basshysy Qanat Taımerdenov.
