Almatyda taekvondodan jasóspirimder arasynda respýblıkalyq týrnır ótip jatyr
ALMATY. 25 qarasha. QazAqparat /Erlik Erjanuly/ - Búgin Almatyda taekvondodadan (WTF) balalar men jasóspirimder arasynda "Alash aınasy" gazetiniń kýbogy úshin respýblıkalyq týrnır bastaldy.
Ony uıymdastyrǵan "Nur Otan" HDP "Jas Otan" jastar qanaty, "Zańǵar" shyǵarmashylyq birlestigi. Bul sharaǵa Almaty ákimshiligi, qalalyq taekvondo federatsııasy, "Tarnado" taekvondo sport klýby, Qazaq qatynas joldar ýnıversıteti men " Qalamger azamat" jas jýrnalıster qoǵamdyq qory qoldaý kórsetip otyr.
"Oqýshylar saraıynyń sport kesheninde ótip jatqan bul baıraqty básekege elimizdiń túkpir-túkpirinen komandalar keldi. 7 men 17 jas aralyǵyndaǵy 250 sportshy onda jas ereksheligi boıynsha 5 topqa bólinip, ózara kúsh synasýda. 6-7 salmaq dárejesi boıynsha ótip jatqan bul týrnırdiń aqtyq saıystary 26 qarasha kúni ótedi", deıdi "Alash aınasy" gazeti sport bóliminiń redaktory Nurǵazy Sasaev.
