Almatyda taekvondodan ótken halyqaralyq týrnırde batysqazaqstandyqtar sátti óner kórsetti
ORAL. QazAqparat - Almaty qalasynda taekvondodan (WTF) ótken Almaty Open - Bars Cup ashyq týrnırinde batysqazaqstandyqtar sátti óner kórsetti, dep habarlaıdy «QazAqparat» tilshisi.
Taekvondodan BQO quramasynyń aǵa bapkeri Arslan Ordabaevtyń aıtýynsha, atalmysh jarysqa Qazaqstan, Reseı, Ózbekstan, Qyrǵyzstan, Tájikstan elderinen 1300-deı sportshy qatysyp, baq synady.
BQO namysyn 19 taekvondoshy qorǵady. Solardyń ishinen balalardan Ádil Amangeldıev 34, kadetter arasynda Roman Tsoı 45 kg salmaqta qola júldeger atandy.
Aıta keteıik, taekvondonyń olımpıadalyq sport túri ekeni belgili. Bıyl Arslan Ordabaevtyń taǵy bir shákirti Lıana Kýshkeeva kadetter arasynda Azııa chempıony atanǵan bolatyn. 
