Almatyda taekvondodan Qazaqstan chempıonaty ótip jatyr

Oǵan elimizdiń túkpir-túkpirinen kelgen 300-ge tarta taekvondoshylar  qatysýda. Jarysqa qatysýshylar arasynda  álem chempıony Aleksandr Polıakov, Maksım Fý syndy azýly sportshylar da bar. Búgin jas shamasyna qaraı topqa bólingen sportshylardyń eń myqtysy anyqtalatyn bolady.

Jarystyń qorytyndysy boıynsha, 25-29 sáýirde Dýshanbe qalasynda bolatyn VI Azııa chempıonatyna qatysatyn ulttyq qurama jasaqtalady. Tájikstan astanasyndaǵy bul dúbirli doda jas ereksheligine qaraı 14-15, 16-17 jáne 18 jastan joǵarylar arasynda ótedi. Odan keıin taekvondoshylar 20-26 tamyzda Estonııanyń Tallın qalasynda 14-15 jáne 16-17 jas aralyǵyndaǵylardyń - onynshy, ardagerler arasyndaǵy besinshi Álem birinshiliginde el namysyn qorǵaıtyn bolady.