Almatyda taekvondodan (ITF) 8-shi Azııa chempıonaty bastaldy

«Biz Azııa chempıonatyn elimizde osymen úshinshi ret ótkizip otyrmyz. Óıtkeni, otandyq sportshylar sońǵy 10 jyl ishinde Azııa jáne Álem chempıonattarynda joǵary nátıjelerge qol jetkizdi. Mysaly, álemdik dodada 4 ret alǵashqy bestikke ensek, azııalyq jarystarda únemi alǵashqy úshtikke enip júrmiz. Sol úshin Azııa federatsııasy bizge osy jarysty uıymdastyrýdy senip tapsyrdy», - dedi óz sózinde taekvondodan (ITF)Qazaqstan ulttyq quramasynyń bas bapkeri, QR eńbek sińirgen jattyqtyrýshy Valerıı Kogaı.

Sonymen qatar ol, birinshilik aıasynda tuńǵysh ret 11-13 jastaǵy balalar arasynda jarystar ótkiziletindigin jetkizdi.

«Buǵan deıin Azııa chempıonatynda tek jasóspirimder (14-17 jas) men eresekter arasynda ǵana saıystar ótkizilip keldi. Endi mine, balalar da qatyspaq. Álemniń 18 elinen 350-deı sportshy keldi. Ár komandada 20-shaqty sportshydan bar. Olardyń ishinde eń jas sportshynyń jasy 10-da, eń eresegi - 40 jasta. Eger de álemdik qarjy daǵdarysy bolmaǵanda chempıonatqa kem degende 22 el qatysar edi», - dedi V. Kogaı.

Aıta ketelik, 8-shi Azııa chempıonaty Halyqaralyq Taekvondo federatsııasynyń 8 baǵdarlamasy boıynsha kadetter - 11-13 jas, jasóspirimder - 14-17 jas jáne 18 jastan joǵary eresekter arasynda jeke jáne komandalyq esepte ótkiziledi. Jarys 30 naýryzǵa deıin jalǵasady. Jeńimpazdar tıisti medaldarmen marapattalady.

Qazaqstan quramasy sapynda 80-ge jýyq myqty sportshylar óner kórsetýde. Otandyq mamandar komandalyq esepte birinshi oryn alýǵa úmit artýda.  

Aıta ketelik,búginde Qazaqstan taekvondo federatsııasynyń 10 oblystyq fılıalynda 6 myńnan astam sportshy shuǵyldanady. Federatsııa sportshylary jasóspirimder, eresekter jáne ardagerler arasyndaǵy 14 - álem, 7 - Azııa chempıonatyna jáne eki ret Álem kýbogyna qatysqan. Sáıkesinshe, Qazaqstan taekvondoshylary arasynda 14 - Álem chempıony, 48 - Azııa chempıony, 12 - Álem kýbogynyń ıegeri jáne 100-den astam Álem jáne Azııa birinshilikteriniń júldegerleri bar.