Almatyda taekvondodan «Federatsııa Kýbogy» týrnıri bastaldy

«Bul jarys joǵary deńgeıde ótkiziledi degen oıdamyz. Oǵan elimizdiń túkpir-túkpirinen 270 jýyq sportshy qatysýda. Týrnır bastalyp ketti. Al resmı ashylý saltanaty saǵat 15:00-te bolady. Bul básekeniń bir ereksheligi, buryn jarystarda tórt buryshty doıang, ıaǵnı tósenish qoldanylyp kelse, bul joly jańa erejege sáıkes, tuńǵysh ret segiz buryshty doıangty qoldanyp jatyrmyz. Ol taekvondoshylardyń kóbirek qımyl-áreket jasaýyna múmkindik beredi. Týrnırdiń ádil ótetindigine senemin. Jeńimpazdar baǵaly syılyqtarmen marapattalady» - dedi óz sózinde taekvondodan memlekettik jattyqtyrýshy, Qazaqstannyń taekvondo federatsııasynyń sporttyq dırektory, Beıjiń Olımpıadasynyń qola júldegeri Arman Shylmanov.

Esterińizge sala keteıik, jarysqa qatysatyn taekvondoshylardyń jasy 17-den kem bolmaýy tıis.