Almatyda taekvon-dodan Qazaqstan chempıonaty ótedi

Qazaqstan Respýblıkasynyń taekvon-do ITF federatsııasy uıymdastyryp otyrǵan bul jarystyń qorytyndysy boıynsha 25-29 sáýirde Dýshanbe qalasynda bolatyn VI Azııa chempıonatyna qatysatyn ulttyq qurama jasaqtalady. Tájikstan astanasyndaǵy bul dúbirli doda jas ereksheligine qaraı 14-15, 16-17 jáne 18 jastan joǵarylar arasynda ótedi. Onda sportshylar týl, sparrıng, ózin-ózi qorǵaý, arnaıy tehnıkalar jáne kúshpen syndyrýdan jekeleı jáne komandalyq saıysqa túsedi. Odan keıin taekvondoshylar 20-26 tamyzda Estonııanyń Tallın qalasynda 14-15 jáne 16-17 jas aralǵyndaǵylardyń - onynshy, ardagerler arasyndaǵy besinshi Álem birinshiliginde el namysyn qorǵaıdy.

Bıyl 6-12 qyrkúıekte Soltústik Koreıanyń Phenıan qalasynda XVII Álem chempıonatynda qazaqstandyqtar 80-nen astam eldiń ishinde jalpy komandalyq esepte 7-oryn alǵan bolatyn. Onda jekeleı synda arnaıy tehnıkadan Aleksandr Polıakov Álem chempıony, sparrıngte Abzal Jumaǵalıev kúmis jáne Stanıslav Tın sparıngte, al Maksım Fý týlde qola júldeger atandy. Qazaqstandyqtar jalpy komandalyq esepte týl men sparrıngte qola júldeniń ıesi bolǵan edi. Onda jasóspirimder men ardagerler arasyndaǵy Álem birinshiliginiń ýaqyty men orny belgilendi. Al 2 jylda bir ótetin Álem chempıonaty 2013 jyly Bolgarııada 18-ret óz jalaýyn kótermek.