Almatyda «Tabıǵı gazben jumys isteıtin avtokólikter» atty forým ótýde
ALMATY. 15 maýsym. QazAqparat /Ádilet Musahaev/ - Almatyda QR Qorshaǵan ortany qorǵaý mınıstrligi, Almaty qalasy ákimdigi jáne Koreıa Respýblıkasynyń Qorshaǵan ortany qorǵaý mınıstrliginiń uıymdastyrýymen «Tabıǵı gazben jumys isteıtin avtokólikter» atty forým ótýde.
Atalǵan forýmnyń basty maqsaty - tabıǵı gazben isteıtin avtokólikter máselesi týraly tájirıbe almasý jáne aýanyń tazalyǵyn jaqsartý bolyp tabylady.
Ońtústik Koreıadan kelgen delegatsııanyń quramynda mınıstrlik ókilderi, tabıǵı gazben jumys isteıtin avtokólik kásiporyndarynyń, gaz jabdyqtary óndirisi salasyndaǵy iri kompanııalardyń ókilderi bar.
Taýly oıpatta ornalasqan Almaty qalasy úshin ekologııalyq problemalar, atmosferalyq aýanyń sapasyn jaqsartý máseleleri - basym baǵyttardyń biri. Birjarym mıllıondaı halqy bar alyp shahardyń jyl saıyn damyp kele jatqan óndiristik qýaty, ınfrajúıelik nysandarynyń qala ekologııasyna tıgizetin keri áseri de mol. 2010 jyly Almaty qalasyndaǵy (IZA5) aýanyń lastaný ındeksi 11,7 kórsetkishti quraǵan. 2011 jyldyń 1 toqsanynda aýanyń lastaný ındeksiniń kórsetkishi - 10,9 kórsetken. Bul kórsetkishtiń tómendeýi - Almaty qalasy ákimdiginiń qorshaǵan ortaǵa zııandy qaldyqtar shyǵaratyn túrli kózderdiń keri áserin tómendetýge baǵyttalǵan sharalardyń, onyń ishinde kólikke qatysty júıeli sharalardyń iske asyrylýynyń nátıjesinde múmkin bolǵan.
Alaıda búginde Almaty qalasynda aýaǵa bólinetin zııandy zattar jylyna 237 myń tonnany qurap otyr. Munyń syrtynda sońǵy jyldary tym kóbeıip ketken transporttyń kesirinen aýanyń shekten tys lastanýy óris alyp otyr. Qazirgi kúni qalada 523 myńnan asa avtokólik tirkelgen. Jan-jaqtan keletin, ıaǵnı qalaǵa syrttan kelip jatqan kólikterdi qosqanda, barlyǵy 700 myńdaı. Osy avtokólikterden jylyna 190 myń tonna ýly zat bólinedi eken. Bul qalaǵa taraıtyn zııandy shyǵaryndynyń 80 paıyzyn quraıdy.
Almaty qalasy ákimdigi qazirgi ýaqytta «Almaty qalasyndaǵy avtokólik quraldaryn syǵylǵan tabıǵı gazǵa kóshirý» jobasyn júzege asyrýda. «QazTransGaz» AQ men «BJ Lımıted Interneshnl» kompanııasy bul maqsatty birlesip júzege asyrýdy qolǵa alýda. 2010 jyly osy joba aıasynda birinshi ret gaz toltyratyn stantsııa salyndy jáne gazben júretin avtobýstar satyp alyndy. Búgingi kúni qalamyzda 130 gazben júretin avtobýs qyzmet kórsetýde, bul baǵyttaǵy jumys jalǵasyn taba bermek.
