Almatyda symy úzilgen trolleıbýstar kóshede keptelis týǵyzdy
ALMATY. QazAqparat - Almatyda birneshe trolleıbýstyń symy úzilip ketip jolda keptelis týyndady, dep habarlaıdy QazAqparat tilshisi.
Saldarynan Tımırıazev kóshesinde turyp qalǵan qoǵamdyq kólikter BRT jelisiniń júıtkigen avtobýstaryna kedergi bolyp tur.
«Almatyelektrotrans» JShS oqıǵanyń mán-jaıyn anyqtap jatyr.
«Bul jerde tros úzilip ketýi múmkin. Ne bolmasa elektr energııasynan ajyrap qalýy múmkin. Sebepterdi anyqtap jatyrmyz. Qazir júrgizýshiler dıspetcherlermen baılanysta. Eger tros úzilgen bolsa, onda 1 saǵat ishinde symdar qaıta qalpyna keltirilip, jol qozǵalysy qaıta jandanady. Oqıǵa ornyna mamandar jiberildi», - dedi «Almatyelektrotrans» JShS basshysy Rızvan Tsınaev.
Onyń aıtýynsha, trolleıbýstar elektr energııasymen qozǵalady.
«Jaqyn arada avtonomdy elektr energııasyna jalǵaný úshin qosymsha akkýmýlıatorlar satyp alý josparda bar. Bul bolashaqta toqtyń úzilýinen bolatyn problemalardy joıady», - dedi Tsınaev.
Aıta ketý kerek, bul kólikter 2012 jyly satylyp alynǵan.
