Almatyda syǵan áıel satýshylardy gıpnozdap, kassadaǵy aqshany alyp ketip júrgen
ALMATY. QazAqparat - Almatyda syǵan áıel saýda ortalyǵynyń satýshylaryn gıpnozdap, olardyń kassalaryndaǵy aqshany alyp ketip júrgen, dep habarlaıdy QazAqparat tilshisi.
Saýda úıleriniń biriniń satýshysy Jetisý aýdandyq Polıtsııa basqarmasyna júgindi. Onyń aıtýynsha, syǵan áıel ózin áńgimege aınaldyryp, kassadaǵy aqshany úptep ketken. Sotqa deıingi tergeý barysynda bul qaladaǵy birinshi jaǵdaı emes ekendigi anyqtaldy.
«32 jastaǵy azamatsha negizinen saýda ortalyqtarynda júretin bolǵan. Beınebaqylaý kameralary onyń saýda ornyna kirip, dúńgirshekterdiń birine baryp, satýshymen áńgimelesken kórsetken. Satýshyny bir jerden kórgenin, ony biletindigin aıtatyn bolǵan. Osydan keıin, áńgime barysynda gıpnozdy qoldanyp, alaıaq áıel aqshany ıemdenip ketken. Satýshy bir kúndik kiristi osy áıelge bergen. Satýshy esin jıǵan kezde, gıpnozshy joq bolyp shyqty. Aıta ketý kerek, kúdikti buryn osyndaı áreketteri úshin sottalǵan. Oǵan qatysty QR QK-niń 190-baby (Alaıaqtyq) boıynsha sotqa deıingi tergeý amaldary júrgizilýde», – dedi Jetisý aýdandyq Polıtsııa basqarmasynyń bastyǵy Darhan Musanov. Onyń aıtýynsha, mundaı oqıǵalar jıi kezdesedi.
Polıtsııa gıpnozdan baılanysty toqtatý arqyly ǵana qorǵanýǵa bolatynyn aıtty. ıAǵnı kúdikti adammen áńgimelesýdi toqtatý kerek jáne onyń kózine qaramaý kerek.
