Almatyda «Sybaılas jemqorlyqqa jol joq!» atty jastar forýmy ótkizildi
ALMATY. QazAqparat- Almatyda ótken «Sybaılas jemqorlyqqa jol joq!» atty jastar forýmyna qatysýshylar barlyq bilim mekemelerinde sybaılas jemqorlyqtyń kez kelgen kórinisterine múldem tózbeýshilik jaǵdaı qalyptastyrý máselelerin talqylady.
Almaty qalasy Bilim basqarmasy basshysynyń orynbasary Gúlbaný Ámirtaeva óz sózinde osy salada aıtarlyqtaı jumystar atqarylyp jatqandyǵyn málim etti.
«Almatyda Bilim basqarmasyna búginde 243 mektep, 86 kolledj, 392 balabaqsha qaraıdy. Bilim berý mekemeleriniń 2015-2016 oqý jylyna arnalǵan oqý-tárbıe josparyna «Sybaılas jemqorlyqqa qarsy bilim jáne saýattandyrý máseleleri týraly» tıisti is-sharalar engizildi. Barlyq bilim mekemelerinde ata-analar keńesi quryldy jáne túrli sharalarǵa aqsha jınaý máselesi toqtatyldy», - dedi ol.
Al, QR Memlekettik qyzmet isteri mınıstrliginiń Almaty qalasy boıynsha departamentiniń basshysy Baqtııar Kamalov Memleket basshysy Nursultan Nazarbaevtyń «Nur Otan» partııasynyń HVI sezinde usynǵan bes ınstıtýtsıonaldyq reformany iske asyrýda Ult jospary - «100 naqty qadamdy» jáne QR «Sybaılas jemqorlyqqa qarsy is-qımyl týraly» zańynyń talaptaryn oryndaý máselelerine toqtaldy.
«Sybaılas jemqorlyqpen búkil qoǵam bolyp kúresýimiz qajet. Bul jerde jastarǵa úlken jaýapkershilik júkteledi. Sybaılas jemqorlyqty jeńý - memleketimizdiń nyǵaıýyna, álemdegi eń damyǵan 30 eldiń qataryna qosylýǵa kepil bola alady. Bul úshin árqaısymyz ózimizge júktelgen mindetter men qyzmetterdi adal atqarýymyz kerek. Adal eńbek qana abyroı áperedi», - dedi B. Kamalov.
Sonymen qatar, ol forýmǵa qatysýshylardy QR Memlekettik qyzmet isteri mınıstrliginiń «kyzmet.gov.kz» saıtynda jarııalanǵan «Qoǵamda sybaılas jemqorlyqqa qarsy mádenıetti qalyptastyrý máseleleri boıynsha yntymaqtastyq týraly Ashyq kelisimge qosylýǵa shaqyrdy.
«Ashyq kelisimgekommertsııalyq emes uıymdar, zańdy tulǵalar, saıası partııalar, úkimettik emes uıymdar, jastar jáne jastar uıymdary jappaı qosylýda», - dedi B. Kamalov.
Turar Rysqulov atyndaǵy Qazaq ekonomıkalyq ýnıversıtetinde ótken Jastar forýmyna Departamenttiń, Almaty qalalyq Bilim basqarmasy, Almaty qalalyq ІІD qyzmetkerleri, ýnıversıtet, kolledj stýdenteri men professorlyq jáne oqytýshylyq quramdary, úkimettik emes uıymdardyń ókilderi qatysty.
