Almatyda Súıinbaı kóshesinde kólik qozǵalysy shekteledi
ALMATY. QazAqparat - Almatyda Súıinbaı kóshesiniń bir bóligi ýaqytsha jabylady, dep habarlaıdy QazAqparat tilshisi.
Almaty qalalyq mobıldik basqarmasynyń málimetinshe, ýaqytsha jabylǵan kósheniń bir bóliginde jol jóndeý jumystary júrgiziledi.
«18 – 23 maýsym aralyǵynda túngi saǵat 22:00 -den tańǵy saǵat 06:00-ge deıin Súıinbaı kóshesi Rysqulov dańǵylynan Raıymbek dańǵylyna deıin kólik qozǵalysy ýaqytsha ishinara shekteletin bolady»,- dep habarlady Almaty qalalyq mobıldik basqarmasy.
Basqarma keltirilgen qolaısyzdyq úshin almatylyqtardan keshirim suraıdy.
Sonymen qatar, júrgizýshilerge jol júrý baǵytyn aldyn ala josparlaýǵa keńes beredi.
