Almatyda Súıinbaı dańǵylynda kólik qozǵalysy toqtatylady
ALMATY. QazAqparat - Almatyda Súıinbaı dańǵyly boıynda kólik qozǵalysy ýaqytsha jabylady, dep habarlaıdy QazAqparat tilshisi qalalyq ákimdiktiń baspasóz qyzmetine súıene otyryp.
«Súıinbaı dańǵyly - Sıdorkın kóshesi boıymen jer ústi ótpeli jol» nysanyna qatysty qurylys-montaj jumystarynyń júrgizilýine baılanysty Súıinbaı dańǵyly boıyndaǵy kólik qozǵalysy syzbasyna ózgerister engiziledi», - delingen habarlamada.
Almaty qalasy Jolaýshylar kóligi jáne avtomobıl joldary basqarmasynyń habarlaýynsha, 23 shildede saǵat 04.00 den 07.00 deıin Súıinbaı dańǵylynyń boıynda kólik qozǵalysy toqtatylady.
Qozǵalys Jangeldi, Baıanaýyl, Bóltirik sheshen kósheleri boıymen júzege asady. Jaqyn ornalasqan kóshelerdegi kólik qozǵalysy burynǵy keste boıynsha júredi.
