Almatyda Súıinbaı dańǵylynda bolǵan jol-kólik apatynan 6 adam zardap shekti
ALMATY. QazAqparat - Almatyda Súıinbaı dańǵylynyń boıynda, Bekmahanov kóshesiniń tómen jaǵynda jol-kólik apaty boldy. Sonyń saldarynan 6 adam zardap shekti.
Belgili bolǵanyndaı, Audi avtokóliginiń júrgizýshisi jol-patrýldik polıtsııa qyzmetkerlerinen qashyp qutylamyn dep, jol-kólik apatynyń oryn alýyna sebepker boldy. Apat saldarynan 4 avtokólik zaqymdalyp, alty adam zardap shekti.
Almaty qalalyq densaýlyq saqtaý basqarmasynyń deregi boıynsha, tórt adam №4 qalalyq klınıkalyq aýrýhanaǵa, ekeýi oblystyq aýrýhanaǵa jetkizildi.
Qazir oqıǵanyń oryn alý sebepteri anyqtalyp jatyr. Birqatar sot-medıtsınalyq saraptamalar taǵaıyndaldy.
