Almatyda Súıinbaı Aronulynyń «Óleń sózdiń jaryq juldyzy» atty shyǵarmalar jınaǵynyń tusaýkeseri boldy
ALMATY. Qyrkúıektiń 22-si. QazAqparat /Ádilet Musahaev/ - Búgin Almatydaǵy ál-Farabı atyndaǵy QazUÝ-de Súıinbaı Aronulynyń «Óleń sózdiń jaryq juldyzy» atty shyǵarmalar jınaǵynyń tusaýkeserine arnalǵan ádebı-mýzykalyq shara ótti,
dep habarlaıdy QazAqparat QazUÝ-diń baspasóz qyzmetine silteme jasap.
Professor Sultanǵalı Sadyrbaevtyń tikeleı qurastyrýymen Súıinbaı aqynnyń jańa bir jyr jınaǵy jaryqqa shyǵyp otyr.
Jınaq sonaý Londondaǵy Halyqaralyq Abaı úıiniń uıymdastyrýshy-jetekshisi, belgili jazýshy Rollan Seısenbaevtyń qamqorlyǵymen kórkem bezendirilip basylǵan.
Professor S.Sadyrbaev 50 jyldyq qyzmeti barysynda qazaq halqynyń folklory men halyq aqyndary shyǵarmashylyqtary týrasynda dárister oqyp, Súıinbaı men Jambyl syndy uly aqyndardyń ádebı muralaryn jınastyrdy, sonymen qatar jańasha kózqaras turǵysynan zerttep, jyr jınaqtaryn tom-tom etip birneshe ret jaryqqa shyǵardy. Sondaı-aq ol «Qazaq hrestomatııasy», «Qozy Kórpesh-Baıan sulý», «Qyz Jibek» jáne «Sóz asyly - sózde» atty kitaptardyń avtory.
