Almatyda súıiktisin óltirgen turǵyn 10 jylǵa sottaldy

ALMATY. QazAqparat- Almatyda súıiktisin aıaýsyz óltirgen er adam 10 jyl 6 aıǵa sottaldy, dep habarlaıdy QazAqparat tilshisi.

Almatyda 2017 jyldyń sońynda 30 jastaǵy Albert Hasıev 42 jastaǵy áıeldi óltirgen. Er adamnyń qatygez qylmysty esirtkige masań kúıinde istegeni anyqtaldy.

«Kisi óltirý oqıǵasy Hasıev atty azamattyń óziniń súıiktisimen qarym-qatynasyn anyqtaýǵa tyrysqan Baým toǵaıy aýmaǵynda boldy. Sheshýshi argýment retinde qaskóı doǵal zatty qoldanyp, onymen áıeldiń basynan urǵan. Sodan keıin kúdikti ony pyshaqttap tastaǵan. Er adam qylmystyń izderin muqııat jasyrýǵa tyrysqanyna qaramastan, onyń qylmystyq áreketi anyqtalyp, kúdikti qamaýǵa alyndy», – dedi Almaty qalalyq Polıtsııa departamenti bastyǵynyń orynbasary Rústem Ábdrahmanov.

A. Hasıev 10 jyl 6 aıǵa bas bostandyǵynan aıyryldy, jazasyn qatań qaýipsizdik jaǵdaıynda óteıdi.