Almatyda sýshı-bardaǵy «bomba» týraly aqparat jalǵan bolyp shyqty
ALMATY. QazAqparat - Almatynyń ortalyǵynda polıtsııa qorshaýǵa alynǵan jerge órt sóndirýshiler jáne jedel járdem jumyldyryldy, dep habarlaıdy QazAqparat tilshisi.
Quzyrly organdardyń aldyn ala taratqan málimetine súıensek, belgisiz bireý sýshı bar men dúken ornalasqan №75 úıde jarylǵysh zat qoıylǵany týraly habarlaǵan.
«Maqataev pen Panfılov kósheleriniń qıylysynda ornalasqan sýshı-barda jarylǵysh zat qoıylǵany týraly aqparat tústi. Jedel, operatıvti qyzmet ókilderi atalǵan oryndy súzip shyqty. Sýshı-bar kelýshileri men qyzmetkerleri evakýatsıalandy. Nátıjesinde, jarylǵysh zat tabylǵan joq», - dedi Almaty qalalyq ІІD baspasóz hatshysy Saltanat Ázirbek.
Saltanat Ázirbektiń aıtýynsha, taǵy bir belgisiz adam Súıinbaı Baıanaýyl kósheleriniń qıylysynda jarylǵysh zat qoıylǵany týraly habarlaǵan. Almaty polıtsııasy telefon arqyly jurtty úreılendirip júrgen kúdiktige izdeý jarııalady.
