Almatyda sýretshilerdiń qaıyrymdylyq vernısajy bolady
ALMATY. 24 qarasha. QazAqparat /Erlik Erjanuly/ - Almatyda 2-31 jeltoqsan kúnderi Qazaqstanyń art-keńistigindegi áıgili tulǵalar Marat Bekeev, Andreı Noda men Edýard Kazarıannyń vernısajy bolady. Sýretshilerdiń bul kórmesi táýelsizdiktiń qurdasy sanalatyn Qazkommertsbanktiń 20 jyldyǵy men "Bolashaq" baǵdarlamasynyń 10 jyldyǵyna arnalyp otyr.
Qaıyrymdylyq art-jobanyń bir bóligi sanalatyn atalmysh sharada sýretshiler, DTsP-men aýyratyn balalar úshin sheberlik-dáristerin ótkizbek. Sondaı-aq kórme kezinde satylǵan árbir shyǵarmalarynan túsken qarajattyń 30 paıyzyn "Qus joly" qaıyrymdylyq qoryna aýdarmaq. Ol Qostanaı qalasyndaǵy qalalyq jáne oblystyq balalar aýrhanalarynda emdelip jatqandarǵa jańajyldyq syılyq alýǵa jumsalmaq. Bul jobanyń uıymdastyrýshysy Qazkommertsbank pen "Bolashaq" QR Prezıdentiniń halyqaralyq stıpendııasy stıpendııattarynyń qaýymdastyǵy.
