Almatyda sýretshiler kórmesi ótip jatyr
Y. Qyrkúıektiń 16-sy. QazAqparat /Erbol Turymbetov/ - Búgin Almatydaǵy QR Memlekettik ortalyq murajaıynda sýretshiler Alekseı jáne Margarıta Voloshınalar men Ekaterına Fışýktyń «Núkte, jeli, tańba...» atty kórmesi ashyldy.
Máskeýlik sýretshi A. Voloshınniń kórmege usynǵan jumystarynyń kóp bóligi óziniń týǵan qalasy Almatyǵa arnalǵan. Al E. Fışýktiń eńbekteri qazirgi ýaqyttaǵy erler men áıelderdiń beınelerin kórsetedi. M. Voloshına bolsa, óz kartınalarynda mýzykalyq aspaptarǵa, sonyń ishinde qazaqtyń ulttyq aspaptaryna da kóp kóńil bólgen.
«Bizdiń eńbekterimiz ózimizdi qorshaǵan álemge, adamdarǵa jáne oqıǵalarǵa degen kózqarastarymyzdy bildiretin tásilderdi kórkem túrde beınelep jetkizedi. Bizdiń aramyzdy týystyq qatynasymyzben birge, kórkemóner bilimimiz, jańa beıne izdeýdegi talabymyz ben eńbegimiz biriktirip tur», dedi sýretshi A. Voloshın.
Kórmede 40-tan astam óner týyndysy qoıylǵan. Shara aıdyń aıaǵyna deıin jalǵasady dep josparlanǵan.
