Almatyda sýretshi Zýhra jáne ıÝnýs Ibraımovtardyń «Arman qanatynda» atty kórmesi ótip jatyr
ALMATY. Naýryzdyń 19-y. QazAqparat /Ádilet Musahaev/ - Búgin Almatydaǵy QR Memlekettik ortalyq murajaıynda sýretshi Zýhra jáne ıÝnýs Ibraımovtardyń «Arman qanatynda» atty kórmesi ashyldy,
dep habarlaıdy QazAqparat.
Jas sýretshiler árbir kórme saıyn sulýlyq pen danalyq qupııalaryna tereń boılap, qyl qalamdaryn ushtaı túsýde. ıÝnýs keskin sýretke, aǵashqa órnek kúıdirip salýǵa beıim. Al Zýhra bolsa grafıkaǵa, batıkke - mataǵa kórkem oıý-órnekter salyp áshekeıleýge jáne óz shyǵarmashylyǵynda ár túrli ádisterdi, materıaldardy paıdalanyp, jıi synaqtar jasaýǵa qushtar.
ıÝnýstyń eńbekterinde týǵan el tabıǵatynyń sulýlyǵyn pash etetin peızajdar beınelengen. Sonymen qatar ózbek aýylynyń ómirinen alynǵan ashyq tústi áshekeıli gúlder men shoqtaı janǵan natıýrmorttar, portretter, etnografııalyq kenep sýretteri, janrlyq sahnalar jáne taǵy basqa eńbekteri kóz tartady. Jalpy búgingi kórmege olardyń 60-qa jýyq jumystary qoıylǵan.
Sondaı-aq sýretshiler jańa baǵyttaǵy qabyrǵaǵa kórkem oıý-órnek salý tásilin de meńgergen.
Erli-zaıyptylar Tashkent qalasyndaǵy P.P. Benkov atyndaǵy kórkemsýret ýchılışesinen bilim alǵan. 2005 jyly Qazaqstanǵa kóship kelgen jubaılar, qazirgi ýaqytta «ARTJAS» beıneleý stýdııasynda sabaq beredi.
Sýretshilerdiń eńbekteri Ózbekstannyń, Reseıdiń, Qazaqstannyń, AQSh-tyń, Latvııanyń, Italııanyń jeke kollektsııalarynda qoıylǵan.
