Almatyda sýretshi Anar Ábjanovanyń jeke kórmesi ashyldy

Qala kúnine arnalǵan bul sharaǵa Temirbek Júrgenov atyndaǵy Qazaq ulttyq óner akademııasynda «Beıneleý óneri» mamandyǵy boıynsha magıstratýrada oqyp jatqan jas sýretshiniń eńbekteri qoıylǵan. Onyń qyl qalamynan shyqqan dúnıeler Qazaqstan, AQSh, Japonııa, Italııa, Túrkııa, Ýkraınadaǵy jeke jáne korporatıvtik kollektsııalarǵa kirgen.

Almatyda ómirge kelgen Anar kishkentaıynan sýretshi bolýdy armandaǵan. Jeti jasynda Temirbek Júrgenov atyndaǵy Qazaq ulttyq óner akademııasynyń kórkemsýret kolledjine qabyldanǵan ol ony 2007 jyly, al 2012 jyly akademııanyń «Beıneleý óneri, músin jáne dızaın» fakýltetin qyzyl dıplommen bitirip shyǵady. Stýdent kezinde-aq ónerimen kózige túsken talantty jas sol jyly Qazaqstan sýretshiler odaǵyna múshe bolyp qabyldanady. Respýblıkalyq, halyqaralyq deńgeıdegi sýretshiler kórmeleri men baıqaýlarynda birneshe márte jeńimpaz atanǵan Anardyń 2006 jyldan beri elimizdiń birqatar qalalaryndaǵy túrli galareıalar men qoǵamdyq oryndarynda derbes kórmeleri ótken bolatyn. Osy ýaqytqa deıin birqatar býkletteri men katalogtary da jaryq kórip úlgerdi.