Almatyda sýpermarket órtendi
ASTANA. QazAqparat - 2 aqpanǵa qaraǵan túni, saǵat 00:30-da Almaty qalasynyń órt sóndirý qyzmetine Túrkisib aýdanyndaǵy sýpermarkettiń órtenip jatqandyǵy týraly qońyraý shalynǵan, dep habarlaıdy «QazAqparat» HAA QR ІІM Tótenshe jaǵdaılar komıtetiniń ressmı ókili Rýslan Imanqulovqa silteme jasap.
Memlekettik órtke qarsy qyzmet mamandary kelgen sátte bir qabatty dúkenniń jabyndysy janyp jatqan. Aldyn ala derekterge qaraǵanda, jalyn 200 sharshy metrden astam aýmaqty sharpyǵan.
Tilsiz jaýdy aýyzdyqtaýǵa elýge jýyq órt sóndirýshi men arnaıy tehnıka tartylyp, túngi saǵat birde órt sóndirildi. Aldyn ala málimet boıynsha órt ornynan 20 adam evakýatsııalanyp, gaz ballony shyǵarylǵan.
