Almatyda suńqarlardy zańsyz aýlaǵan sheteldik eki azamat ustaldy
ASTANA. Qazannyń 20-sy. QazAqparat /Marlan Jıembaı/ - Almatyda suńqarlardy zańsyz aýlaǵan Taıaý Shyǵys elderi biriniń eki azamaty quryqtaldy. Bul týraly QR ІІM resmı ókili Qýanyshbek Jumanov búgin elordada ótken baspasóz máslıhaty barysynda málim etti.
Onyń atap ótýinshe, QR ІІM Ońtústik óńirlik uıymdasqan qylmysqa karsy kúres basqarmasynyń kyzmetkerleri Almaty oblysy ІІD-niń Uıymdasqan qylmysqa qarsy kúres basqarmasymen birlesip júrgizgen jedel-izdestirý sharalary barysynda Almaty qalasynda suńqarlardy zańsyz aýlaǵany úshin Taıaý Shyǵys elderi biriniń eki azamatyn ustaǵan.
«Olar jalǵa alǵan páterden Qyzyl kitapqa engizilgen 8 suńqar, sondaı-aq qustardy aýlaýǵa arnalǵan koldan jasalǵan tuzaqtar tárkilendi. Qazirgi ýaqytta birqatar saraptama taǵaıyndalyp, qylmystyq is qozǵaý máselesi sheshilýde», - dedi Q.Jumanbaı.
Mınıstrlik resmı ókiliniń derekterine qaraǵanda, jyl basynan beri ishki ister organdarynyń kyzmetkerleri suńqarlardy aýlaýdyń 5 faktisin anyqtap, olardyń úsheýi boıynsha qylmystyq is qozǵaǵan.
