Almatyda sýmen qamtý salasynda sońǵy 15 jyldyń kóleminde alǵash ret aýqymdy jóndeý jumystary júrgizilip jatyr
ALMATY. Qarashanyń 6-sy. QazAqparat /Erlik Erjanuly/ - «Almaty sý holdınginiń» kásiporyndary sýmen qamtý, sýdy burý júıelerin qaıta qurý men jańartý, jóndeý jumystaryna josparlanǵan 3,5 mıllıard teńgeniń qazirgi tańda 3 mıllıardyn ıgerdi,
dep habarlaıdy QazAqparat holdıngtiń baspasóz qyzmetine silteme jasap.
Qarasha aıyna deıin 12,7 km sý qubyry men 7,5 km kanalızatsııa júıesi, kólemi 47 jáne 20 myń tekshemetrlik eki kúndelikti baqylaý basseınderi men 48 myń tekshemetrlik taza sý rezervýary jóndeýden ótti. Qysymdy retteýish jáne sý qubyry júıesindegi sý ólshegishter ornatylyp, 228 myń tekshe metrlik (30 gektarlyq) tunba uıshyqtary tazartýdan ótti. Aǵyndy sýlardy tazartý ǵımaratynda, Talǵar sý qaqpasynda qaıta jóndeý jumystary júzege asyryldy. Qaýipsizdikti saqtaý maqsatynda bas tazalaý qurylysynda jáne sýdy zalalsyzdandyratyn sorǵy stantsııalarynda jumysqa elektrolızdik qurylǵylar engizildi. 12 sorǵy stantsııalarynda joǵary paıdaly qozǵalys koeffıtsenti ornatylǵan jańartý jumystary júzege asyrylyp, 6-10 kv-tyq 5 kabeldik jeli aýystyryldy. Aeratsııa stansysynda elektr qýatyn únemdeıtin júıe ornatylyp, tereńdigi 300 metrlik 4 uńǵyma burǵylandy. Osy arada sońǵy 15 jylda buǵan deıin 5 uńǵyma ǵana burǵylanǵanyn aıta ketken jón shyǵar.
Jalpy, Almaty qalasynda sýmen qamtý men aǵyndy sýlardy burýda buǵan deıingi 15 jyldyń ishinde mundaı aýqymdy jóndeý jumystary jasalmaǵan bolatyn. Ol sý qubyry men aǵyndy sýlardy burýǵa qatysty tarıfteri boıynsha engizilgen saralanǵan tarıfterdiń arqasynda júzege asyrylyp otyr. Júrgizilgen normadan joǵary paıdalanylanýdy 1,5 - 2 paıyzǵa azaıtyp, aldaǵy jyldan bastap elektr qýatynyń shyǵynyn jylyna 10 mln. kVt.s. deıin qysqartýǵa múmkindik berýde. Bıyl sáýir aıynda engizilgen atalmysh tájirıbe Elbasy Nursultan Nazarbaev tarapynan da qoldaý tapqan bolatyn.
