Almatyda sulýlyq salondary men meıramhanalar jabylady
ALMATY. QazAqparat – Almatyda óńirlik kommýnıkatsııalar qyzmetinde qala ákiminiń orynbasary Saparbek Tuıaqbaı karantın aıasynda qalany azyq-túlikpen qamtý máselesin túsindirdi, dep habarlaıdy QazAqparat tilshisi.
Onyń aıtýynsha, qalada azyq-túlikten basqa taýar satatyn barlyq saýda oryndary jabylady.
Almatyda halyqty áleýmettik mańyzy bar taýarlarmen qamtý maqsatynda arnaıy shtab qurylǵan.
«Qoǵamdyq tamaqtaný oryndarynda shekteý bolady. Atap aıtqanda, meıramhanalar men dámhanalar jabylady. Klıent qabyldaýǵa tyıym salynady. Al tamaqty úıge tapsyryspen aldyrý qyzmeti burynǵydaı jumys jasaıdy. Qazirgi karantın ýaqytynda bul - eń tıimdi shara dep oılaımyz. Biz óz kezegimizde azyq-túlikti jetkizý, logıstıka boıynsha meıramhanalarǵa kómek beremiz», - dedi Saparbek Tuıaqbaev.
Onyń aıtýynsha, basqa da qoǵamdyq qyzmet oryndary - fıtnes, jattyǵý zaldary, spa salondar, sulýlyq salondary karantın ýaqytynda jabyq bolady.
«Qala turǵyndarynyń barlyǵyn ýaqytsha oqshaýlanýǵa shaqyramyz», - dedi ol.
