Almatyda Sulpak dúkeni aldyndaǵy aǵashtardyń otalýyna qatysty is sotqa berildi
ALMATY. QazAqparat – Almatyda Sulpak dúkeni aldyndaǵy aǵashtardyń otalýyna qatysty is sotqa berildi, dep habarlaıdy QazAqparat tilshisi.
«Janna Nurtaevaǵa qatysty Qylmystyq kodekstiń 339-babynyń 2-bólimimen qozǵalǵan qylmystyq is óndiriske qabyldandy», - dedi sot qaýlysynda.
QR QK 339-baby sırek kezdesetin, joıylý aldynda turǵan ósimdik túrlerin, janýarlardy, olardyń derıvattary men men bólshekterin zańsyz paıdalaný áreketterin qarastyrady.
Basty sot talqylaýy 19 naýryzǵa Almaly aýdandyq sotynda belgilengen. Sot protsesi ashyq túrde ótedi. Aıyptalýshyǵa qatysty bultartpaý sharasy sol kúıinde qalady.
Aıta ketý kerek, 23 qarashada «Sulpak» saýda úıinińi aldyndaǵy qaraǵashtar zańsyz otalǵan bolatyn. Keıinirek qalalyq Jasyl ekonomıka basqarmasy merdiger kompanııaǵa aıyppul saldy. Bul derek kópshiliktiń narazylyǵyn týdyrdy. Qala ákimi Baqytjan Saǵyntaev pen QR Prezıdenti Qasym-Jomart Toqaev aıyptylarǵa qatysty qatań jaza qoldanýdy tapsyrǵan bolatyn.
