Almatyda Súleımenovtyń mereıtoıyna oraı «Oljas pen men» atty kitaptyń tanystyrylymy ótti
ALMATY. QazAqparat - Almatyda Qazaqstannyń Halyq jazýshysy, aqyn, ǵalym jáne qoǵam qaıratkeri Oljas Súleımenovtyń «Oljas pen men» atty kitabynyń tusaýy kesildi, dep habarlaıdy QazAqparat.
«Men osy kitap múmkindiginshe kóp adamdardyń qolyna jetse soǵan rıza bolatyn edim. Ol úshin Qazaqstan halqy Assambleıasynyń ókilderine alǵysym sheksiz»,-dedi Oljas Súleımenov.
«Bıylǵy jyly Oljas Súleımenov 80 jasqa toldy. Aqynnyń mereıtoıyna ózi týraly «Oljas jáne men» atty avtorlyq jarııalanymdardyń jınaǵy jaryq kórdi. Jınaqqa 100-den astam avtorlardyń ocherkteri, esseleri men áńgimeleri kirdi. Olardyń arasynda Parlament Májilisiniń depýtaty Qýanysh Sultanovtyń maqalalary bar. Sonymen qatar kitapta osy jınaq úshin jazylǵan ekslıýzıvti týyndylar jarııalanǵan.
Shyǵarmashylyq joba Halyqaralyq «Mádenıet» qorynyń keńesshisi Ermek Aldanovtyń bastamasymen júzege asyrylǵan.
Jınaqqa ocherkter, esseler men avtor men elimizge tanymal tulǵalardyń áńgimeleri kirgen. Olardyń árqaısysy ózderine jaqsy tanys Oljas Súlıeımenov týraly oılarymen bóliskileri keledi.
