Almatyda sýdıa para aldy degen kúdikke ilindi
Almaty qalalyq sybaılas jemqorlyqqa qarsy qyzmeti ishki qaýipsizdik jáne QR Joǵarǵy Sotynyń sybaılas jemqorlyqtyń aldyn alý bólimimen birlese otyryp Naýryzbaı aýdandyq soty sýdıasynyń para alý faktisiniń jolyn kesti.
«Sýdıa 100 myń teńge jáne 1 900 AQSh dollary kóleminde alǵan parasyn qaıtarý kezinde ustaldy. Bul aqshany ol osyǵan deıin 97 mln teńge mólsherindegi ótemaqy somasyn, metropolıten tarmaǵynyń qurylysy úshin jer ýchaskesin alý týraly azamattyq is boıynsha sheshimdi qojaıynnyń paıdasyna sheshkeni úshin alǵan»,- dedi vedomstvanyń baspasóz qyzmeti.
2019 jyldyń 25 qazanynda qylmystyq qýdalaýdan bosatylǵan sýdıaǵa qatysty sotqa deıingi tergeýdi jalǵastyrýǵa Bas Prokýrordyń kelisimi alyndy.
Kúdiktige qatysty túpkilikti sheshimdi sot qabyldaıtyn bolady.