Almatyda sýdıa Andreı Shteınkke qatysty sot úkimi shyqty
ALMATY. QazAqparat - Almaly aýdandyq soty sýdıa Andreı Shteınkke qatysty aqtaý úkimin shyǵardy, dep habarlaıdy QazAqparat tilshisi.
Almaly aýdandyq sotynda para aldy jáne alaıaqtyq jasady degen aıyppen sotqa kelgen Andreı Shteınkke qatysty qylmystyq isti qaraý aıaqtaldy.
Prokýratýranyń málimeti boıynsha, 2018 jyldyń jeltoqsanynda jábirlenýshi A.B-nyń, Almatydaǵy páteri Medeý men Bostandyq aýdandyq sotynyń sheshimimen kepildikke qoıylǵan. Jábirlenýshi Áýezov aýdanynyń №2 aýdandyq sotynyń sýdıasy tanysy bolǵandyqtan, osy aqparatty bazadan alyp tastaýǵa kómek suraǵan.
Sotqa deıingi tergeý organynyń aıyptaýyna sáıkes, Almaty qalasy Áýezov aýdany №2 aýdandyq sotynyń sýdıasy Shteınkke tanysy AB-ǵa, páterin kepildikten shyǵarý úshin memlekettik qyzmettegi mamandarǵa 10 000 AQSh dollary kóleminde para berýdi usynǵan. Keıin sýdıaǵa atalǵan qomaqty somany alaıaqtyq jolmen óz qaltasyna basty degen aıyp taǵyldy.
Sot QRQK 125-babyna sáıkes aıyptalýshyǵa qatysty naqty dálelderdiń joqtyǵyn jáne jetkiliksiz ekenin eskerdi.
Sotta jaýap bergen A.Shteınk ózine taǵylǵan qylmystardy moıyndaǵan joq.
Sot protsesinde aıyptalýshynyń, jábirlenýshiden aqsha alý faktisi kórsetilgen joq.
Prokýratýra usynǵan beınejazbada jábirlenýshi aqshany sýdıaǵa tapsyrǵany nemese olardy kólikke qaldyrǵany kórinbeıdi.
Jábirlenýshiniń Shteınkke 10 myń AQSh dollaryn bergeni týraly kýáligi qylmystyq is materıaldarymen teriske shyǵaryldy.
Oqıǵa ornyn teksergen kezde aqshada da, kóliktiń ishinde de, Shteınktiń qolynda da, kıiminde de saýsaq izderi anyqtalǵan joq.
Sot úkimimen A.Shteınkke QRQK 28 baby 4-bóligi, 367-baby 2-bóliginiń (para berýge ıtermeleý), 190-baby 3tarmaǵy 1,2-bóligi boıynsha (Alaıaqtyq) jasaǵan joq dep tanylyp, osy baptar boıynsha aktide qylmys quramynyń joqtyǵy úshin aqtaldy.
Úkim zańdy kúshine engen joq.Ol jarııalanǵan kúnnen bastap 15 kún ishinde shaǵym qaıta qaralýy múmkin.
