Almatyda sýburqaqta toq soqqan 8 jáne 10 jasar eki qyz aýrýhanadan shyqty
ALMATY. QazAqparat - Almatydaǵy sýburqaqta toq soqqan segiz jáne on jasar eki qyz aýrýhanadan shyqty. Bul týraly qalalyq densaýlyq saqtaý basqarmasynyń baspasóz qyzmeti málim etti, dep habarlaıdy QazAqparat tilshisi.
«Segiz jáne on jasar qyzdyń jaǵdaıy jaqsaryp, búgin úıine shyqty. Odan ári olardy úıde baqylaıtyn bolady. Túsken kezde olarǵa elektr jaraqaty, ekeýine de birinshi dárejeli kúıik dıagnozy qoıylǵan bolatyn», - deıdi Balalarǵa shuǵyl kómek kórsetý ortalyǵy bas dárigeriniń orynbasary Alýa Jeksenova.
Eske sala keteıik, 19 maýsym kúni Almaty tsırki mańyndaǵy fontanda birneshe adamdy toq soqty .
Keıinnen ákimdik atalǵan oqıǵanyn mán-jaıyn túsindirdi.
Sonymen qatar, «Eco Almaty» JShS basshysy Janna Asanova, ol jerde «Shomylýǵa tyıym salynady!» degen eskertý taqtashasy ornatylǵanyn atap ótti.
Almaty ákimi oqys oqıǵaǵa qatysty polıtsııa tergeý júrgizip jatqanyn málim etti.
Dárigerler munyń aldynda fontanda tok soqqan 28 jastaǵy naýqastyń jaǵdaıy aýyr ekenin aıtqan bolatyn.
