Almatyda sýbýrqaqta balalardy toq soqty: Ákimdik mán-jaıdy túsindirdi
ALMATY. QazAqparat – Qazaq memlekettik tsırki ǵımaratynyń janyndaǵy sýburqaqta keshe úsh adamdy toq soqty. Osyǵan baılanysty ákimdik mán-jaıdy túsindirdi, dep habarlaıdy QazAqparat tilshisi.
«Oqıǵa bolǵan kúni sýburqaq qalypty rejımde jumys istegen. Kúnniń birinshi jartysynda kezekshi tehnıkalyq maman birneshe ret sýburqaq tostaǵyn tazalap, jumys istep turǵan sýburqaqtyń ishindegi qondyrmasyn (aǵyndardy) retteý boıynsha jumys istegen, bul atalǵan oqıǵa bolǵanǵa deıin sýburqaq jabdyǵynyń tutastyǵy men qaýipsizdigin rastaıdy»,-dep habarlady Almaty qalasy Jasyl ekonomıka basqarmasynan .
Basqarma málimetinshe, sýbýrqaqqa tekserý jumystary júrgizildi.
«20 maýsym kúni Almaty qalasy Jasyl ekonomıka basqarmasy, ShJQ «Almatyqalajaryq» MKK jáne «Eko Almaty» JShS ókilderiniń qatysýymen sýburqaqqa baryp, birlesken tekserý jáne zertteý júrgizildi. Onyń barysynda sýburqaq jabdyǵynyń jumysyndaǵy aqaýdy rastaıtyn tehnıkalyq buzýshylyqtar anyqtalmady»,- delingen habarlamada.
