Almatyda «Sýbarý» júrgizýshisi birqatar kóliktiń soqtyǵysýyna sebepker boldy
ALMATY. QazAqparat - Almatynyń túngi kóshelerinde kólikti muqııat júrgizseńiz de, jol-kólik apatyna ushyraý qaýpi seıilmeıdi, dep habarlaıdy «QazAqparat» HAA tilshisi.
Jol apaty Sháripov kóshesine jetpeı, batys baǵyttaǵy Rysqulov kóshesiniń boıynda bolǵan. Rysqulov kóshesimen batysqa qaraı «Mıtsýbısı», onyń artynan «Lada prıora» kele jatqan. Eki kólik te baǵdarshamnyń qyzyl belgisine qıylysta toqtaǵan. Kenetten «Ladanyń» artynan «Sýbarý» kóligi soqtyǵady. «Lada» kóligi ınertsııa boıynsha alǵan soqqydan alǵa qaraı qozǵalyp, «Mıtsýbısıdi» soǵady. Sýbarýda eki jigittiń bolǵany jáne olardyń jol-kólik apatynan keıin belgisiz baǵytqa qaraı qashyp ketkeni týraly rastalmaǵan aqparat bar.
Oqıǵa ornyna jedel járdem shaqyrylyp, «Lada» kóligindegi zardap shekken jolaýshy aýrýhanaǵa jetkizildi. Kýágerlerdiń aıtýynsha, «Sýbarý» júrgizýshisinen alkogoldiń ıisi shyqqan. Boljam boıynsha ol mas kúıde kólikti júrgizgen. Polıtseıler jol-kólik apatynyń mán-jaıyn anyqtap jatyr.
