Almatyda sý jelisindegi qubyrdyń jarylýynan asfalt opyryldy
ALMATY. QazAqparat - Almatyda Saıyn men Toraıǵyrov kósheleriniń qıylysynda asfalttiń opyrylýy sý jelisindegi qubyrdyń jarylýy saldarynan oryn aldy. Bul týraly búgin «Almaty Sý Holdıngi» memlekettik kásipornynyń baspasóz qyzmetinen habarlady.
«Bul jerde sýmen qamtamasyz etý jelisinde jóndeý jumystary júrip jatqan bolatyn. 20 qazanǵa qaraǵan túni sýyq sý aǵatyn qubyr jarylyp ketip, asfaltta eni tórt metrlik shuńqyr paıda boldy», - delingen habarlamada. Oqıǵa ornyna «Almaty Sý Holdıngi» memlekettik kásiporny men Áýezov aýdanynyń jóndeý brgıdalary kelip jetti. Qalpyna keltirý jumystaryna úsh KamAZ, ózi aýdarǵysh eki júk kóligi jáne bir ekskavator jumyldyryldy. «Almaty Sý Holdıngi» kásipornynyń baspasóz qyzmetiniń habarlaýynsha, qazirgi sátte qubyr bekitilip, sýdyń syrtqa aǵýy toqtatyldy. Jaqyn mańdaǵy turǵyn úılerge aýyz sý berile bastady.
