Almatyda sý tasqynyn boldyrmaý úshin 450 shaqyrym aryq tazalandy
ALMATY. QazAqparat - Almatyda kóktemgi sý tasqyny men qyzyl sýdyń jaıylýynyń aldyn alý úshin 450 shaqyrym aryq tazartylyp, 15 myń tekshe metr qar men qoqys qala syrtyna shyǵaryldy, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
Qala basshylyǵynyń málimimetine súıensek, tazalyq jumystaryna 840 jumysshy,140 arnaıy tehnıka tartylǵan. Qazirgi ýaqytta aýdan ákimdikteri, qutqarý qyzmetteri men merdigerlik uıymdary sý tasqynyna qarsy jergilikti jerlerde, kósheler men aýlalarda kezekshilik uıymdastyrǵan.
«Aýdan ákimdikteri osy máselege qatysty belgilengen keste boıynsha jumys isteýde. Qazirdiń ózinde ońtústik astanada 450 shaqyrym aryq tazartyldy,15 myń tekshe metr qar men qoqys syrtqa shyǵaryldy. Tazartý jumystaryna 840 jumysshy,140 arnaıy tehnıka tartylǵan. Budan ózge 350 jol jumysshysy, 30 samosval jáne 7 tıegish qosymsha jumys isteýde. Sý tasqynynyń aldyn alý úshin taǵy 673 adam, TJD men Qutqarý qyzmeti tarapynan 80 qyzmetker iske kirisken, qosymsha 114 arnaıy tehnıka tartylyp, 15 myń qap pen 10 myń tekshe metr qum daıyndaldy», delingen Almaty qalasy Tabıǵı resýrstar jáne tabıǵatty paıdalanýdy retteý basqarmasynyń aqparatynda.
Aıta keteıik, Almatyda sýdyń tasqynynyń aldyn alý úshin birqatar keshendi sharalardy atqaryldy. Naqtyraq aıtqanda, Alataý, Áýezov, Almaly, Bostandyq, Medeý aýdandarynda 30 shaqyrym aryq jelileri qaıta jasaldy, Esentaı, Qımasar,Jarbulaq ózenderiniń jaǵalaýlary nyǵaıtylyp, bekitildi. Bulardan ózge, 6 ózen kópiri kúrdeli jóndeldi.
«Bıylǵy jyly «Myńjylqy» plotınasyn qaıta jasaýdy aıaqtaý josparlanǵan. Qalanyń 58 kóshesinde 42 shaqyrym aryq jelisin qaıta jasaýdyń jobalyq smetalyq qujaty ázirlenýde. Jumysty bıylǵy jyldyń sońynda tolyq bitirý belgilengen. Almaty qalasynda 2018 jyldyń sý tasqyny kezinde qaýipsizdik qamtamasyz etý úshin jeke quramynda 5, 5 myń adam jasaqtalǵan, sonymen qatar túrli baǵyttaǵy 1 716 tehnıka, 12 qaıyq, 80 motosorǵy men 101 avtonomdy elektrostansa daıyndaldy», delingen habarlamada.
