Almatyda sý qubyry jaryldy
ALMATY. QazAqparat - Almatyda sý qubyry jaryldy, dep habarlaıdy QazAqparat tilshisi.
«Almaly aýdanynda Gogol kóshesinen tómen Sháripov kóshesiniń boıynda qubyr jaryldy. Oqıǵa bolǵan jerde apatty qalpyna keltirý qyzmeti jumys isteýde. Mamandar apatty joıýmen aınalysýda. Sý basyp qalýdy joıý úshin motopompalar jiberildi. Tolyq aqparat keıinirek beriledi»,- dedi Almaty qalasynyń energetıka jáne sýmen jabdyqtaý basqarmasy.
Qubyrdan joǵary qaraı atqylap jatqan sýdyń vıdeosy áleýmettik jelide paıda boldy.
Oqıǵa saldarynan jol qozǵalysy shekteldi.Dál qazirgi ýaqytta oqıǵa ornynda apattyq brıgada mamandary jumys istep jatyr.
Vıdeodan alynǵan kadr
