Almatyda sý basýdyń aldyn alý úshin 102 adam túngi kezekshilikke túsedi
Almaty qalalyq kommýnaldyq ınfraqurylymdy damytý basqarmasynyń málimetinshe, búgin sý basýdyń aldyn alý jáne joıý maqsatynda 52 patrýldik brıgada, 24 motopompa jáne 260 jol jumysshylary jumyldyryldy. 2450 qap qum jınaldy. Barlyq sý tasqyny joıyldy.
«Túngi kezekshilikke 34 patrýldik brıgada, 26 motopompa jáne 102 jol jumysshysy jumyldyrylady dep josparlanyp otyr. Jedel kezekshiniń derekteri boıynsha sý basý boıynsha azamattardan ótinishter túsken joq. Saǵat 19:00-den keıin negizgi sý aǵyny aryq jelileri arqyly qalanyń tómengi bóligine ketti jáne 20:00-degi jaǵdaı boıynsha qala aýmaǵynda sý joq», - dep habarlady vedomstvodan.
Eske salsaq, búgingi jaýyn-shashyn saldarynan Almatyda qala turǵyndary jınalǵan sýǵa maltyp júrgen vıdeolary jelige shyqqan bolatyn. Sondaı-aq Almatyda jaýyn-shashyn saldarynan Almaly jáne Naýryzbaı aýdandarynyń aýmaǵyn sý basqanyn habarlaǵanbyz.