Almatyda sý basý máselesi jyl sońyna deıin sheshiledi

ALMATY. QazAqparat - Jetisý aýdanyndaǵy jeke sektorda, atap aıtqanda, Jumysshylar kentindegi sý basý máselesi jyl sońyna deıin túbegeıli sheshiledi. Bul týraly aýdan turǵyndarymen kezdesýinde Erbolat Dosaev aıtty, dep habarlaıdy QazAqparat tilshisi.

«Kóshelerdi sý basý máselesine keler bolsaq, 16 mekenjaıda uzyndyǵy 7,1 shaqyrym aryq rekonstrýktsııalandy. Brıýsov kóshesindegi únemi sý basatyn aýmaq tolyq joıyldy. Qazir uzyndyǵy 7,2 shaqyrym aryq jelisin salý, 2,2 shaqyrym kollektordy qalpyna keltirý jáne 2,5 shaqyrym Esentaı kanalynda tazartý jumystary júrgizilip jatyr. Barlyq jumystar jyl sońyna deıin aıaqtalady»,- dedi Erbolat Dosaev.

Ákimniń aıtýynsha, kelesi jyly ekologııa jáne qorshaǵan ortany qorǵaý basqarmasy uzyndyǵy 27 shaqyrym 27 ýchaskede aryq jelilerin salýdy josparlap otyr.

Buǵan deıin mektep oqýshysy jaýyndy kúnderi Almaty kóshelerin sý basý máselesin sheshetin «jasyl drenaj» jobasyn ázirlep, qala ákimine usynǵan edi.