Almatyda sý basý qaýpi joǵary 26 ýchaske anyqtaldy
ALMATY. QazAqparat – Almatyda sý basý qaýpi joǵary 26 ýchaske anyqtaldy, dep habarlaıdy QazAqparat tilshisi.
Qalalyq Tótenshe jaǵdaılar departamentiniń málimetinshe, 2019 jyly qalanyń aýmaǵynda sý basý múmkindigi joǵary 26 oryn anyqtalǵan. Búgingi kúnge deıin 9 ýchaskede qaýip joıylsa, qalǵan 17 ýchaskede bıyl qurylys jumystaryn júrgizý kózdelip otyr.
«Sońǵy 3 jyl ishinde qala aýmaǵynda 380 shaqyrymnan astam aryq júıesi jańartylyp, 40 shaqyrymǵa jýyq ózen arnalary nyǵaıtylǵan. Atalǵan sharalardyń nátıjesinde qala aýmaǵyndaǵy sý basý jaǵdaılary 3 esege tómendetildi. Bıylǵy sý basý kezeńine qalanyń azamattyq qorǵaý qyzmetterinen jınaqtalǵan 6481 adam, 1370 tehnıka, 144 sý sorǵysh, 13 myń qap qum, 70 tonna ınertti materıaldar daıyndaldy. Bári baqylaýda, qajetti kúshter men quraldar tolyqtaı daıyn», - dep habarlady TJD baspasóz qyzmeti.
Almatyda túnen beri nóser jaýyn jaýyp, qala aýmaǵynda birqatar kóshe men turǵyn úılerdiń aýlasyn sý basyp qaldy.
