Almatyda sý basý qaýpi bar aımaqqa 2 ese keńeıtilgen sý ótkizgish qubyr ornatyldy
ALMATY. QazAqparat- Almatyda sý tasý máselesin sheshý úshin keshendi jumystar júrgizilýde. Sýdyń jaıylýynan kóbirek zardap shekken 56 aýmaqta apattyq-qalpyna keltirý jumystary bastaldy, dep habarlaıdy QazAqparat tilshisi.
Almaty ákimdiginiń málimetinshe, Raıymbek dańǵylynyń soltústik bóligine dıametri 1 metrlik 2 sý ótkizgish qubyr ornatyldy, bul ıAssaýı men B.Momyshuly kóshelerinen keletin erigen sýdy ótkizedi. Osy aýmaqta, Raıymbek dańǵylynyń joldy bólý jolaǵyna qabyldaǵysh kameralar ornatylady. Sondaı-aq ıAssaýı kóshesiniń qubyr ótkizgishi burynnan bar sý ótkizgish kollektorǵa jalǵanady, al B.Momyshuly kóshesiniń qubyr ótkizgishi burynnan bar Raıymbek-Momyshuly aıryq júıesiniń ótkizgishine qosylady.
Ekologııa jáne qorshaǵan orta basqarmasy mamandarynyń aıtýynsha, búginde qala boıynsha dıametri 500 mm-lik sý ótkizgish qubyrlar bar, bular qaladaǵy sý aǵynyna tótep bere almaıdy. Sondyqtan sýdyń ótkizgishtigin qamtamasyz etý úshin dıametri 1 metrlik qubyr ótkizgishter ornatylýda. Osylaısha qaladaǵy qubyrlardyń sý ótkizgishtigi 2 esege ulǵaıady.
«Qala basshysynyń tapsyrmasy boıynsha bizdiń basqarma Almatynyń sý jaıylatyn aımaqtaryna monıtorıng jasady. Nátıjesinde 102 aýmaq jáne 12 isten shyqqan kollektor anyqtaldy. Solardyń ishinde 56 aýmaq sýdyń jaıylýynan qatty zardap shegetinin, sondyqtan tez arada bıyldan qaldyrmaı apattyq qalpyna keltirý jumystary qajet ekeni anyqtaldy», - dedi Almaty qalasy Ekologııa jáne qorshaǵan orta basqarmasynyń strategııalyq damý bóliminiń jetekshisi Murat Jeksembaev.
Monıtorıng barysynda 12 kollektorǵa tazalaý men qalpyna keltirý jumystary qajet ekeni jáne 4 sý ótkizgish kanal salý qajettigi anyqtaldy.
Búginde qalada Emtsov pen Rysqulov dańǵylynyń tómen jaǵyndaǵy sý ótkizgish qubyrlardy qalpyna keltirý jumystary júrgizilýde. Osy aýmaqtaǵy jumystar 20 kún boıy júredi.
