Almatyda sý basý qaýpi bar 17 aýmaq anyqtaldy
ALMATY. QazAqparat - Almatyda sý basý qaýpi bar 17 aýmaq anyqtaldy, dep habarlaıdy QazAqparat tilshisi.
Almaty qalalyq Tótenshe jaǵdaılar departamenti sý basyp qalatyn 17 ýchaskeni esepke aldy. Búgingi kúni azamattyq qorǵaý qyzmetteriniń kúshteri men quraldary (arnaıy tehnıka) jaýyn-shashyn bastalǵanǵa deıin ınertti materıaldar ázirledi.
Búgin 29 naýryz kúni sý basyp qalǵan 6 oqıǵa tirkeldi, onyń 5-i qalpyna keltirildi.
Jalpy, sońǵy bes jyl ishinde qalada 497 shaqyrym aryq jelileri salyndy, 40 shaqyrymnan astam ózen arnalary qaıta jasaldy jáne nyǵaıtyldy. Júrgizilgen is- sharalar sý basyp qalýy ýchaskeler sanyn 3,5 esege azaıtty. Almaty qalasy boıynsha 376 shaqyrym aryq jelilerin salý jáne rekonstrýktsııalaýdyń JSQ ázirlenýde. Atalǵan jobany iske asyrý 2021-2023 jyldarǵa josparlanǵan.
Aıta keteıik, sý astynda qalǵan kóshelerdegi kórinisti turǵyndar sýretke, vıdeoǵa túsirip, áleýmettik jelige salyp jatyr.
