Almatyda "Stýdenttik parlamenttik tyńdaý" ótip jatyr
ALMATY. Qazannyń 22-si. QazAqparat /Erlik Erjanuly/ - Búgin Almatydaǵy Halyqaralyq bıznes akademııasynda "Stýdenttik parlamenttik tyńdaý" ótip jatyr.
Bul sharany Jastar saıasaty jónindegi basqarmanyń qoldaýymen Soros-Qazaqstan qorynyń "Jastar bastamasyn qoldaý" jobasy aıasynda "Almaty pikirsaıys ortalyǵy" uıymdastyryp otyr.
"Stýdenttik parlamenttik tyńdaý" jobasynyń jetekshisi Arman Asaqaevtyń aıtýynsha, basqosý Almaty qalasyndaǵy joǵary oqý oryndarynda eki aptada bir ótetin dástúrli jıyn. Bul joly "Jastar saıasaty" týraly zańǵa ózgerister engizý máselesi qaralyp jatyr. "Stýdenttik parlamenttik tyńdaýdyń" alǵashqy otyrysy osy aıdyń bas kezinde Qazaqtyń Qanysh Sátbaev atyndaǵy ulttyq tehnıkalyq ýnıversıtetinde ótken bolatyn. Bıylǵy jylǵy sońǵy tyńdaýdy endi jeltoqsannyń 11-y kúni uıymdastyrý josparlanyp otyr.
