Almatyda stýdenttik BAQ-nyń 1-shi ulttyq forýmy ótedi

dep habarlaıdy QazAqparat.

Oǵan qatysýshylar stýdenttik jýrnalıstıkanyń ózekti máselelerin talqylaıdy, ózindik jekeleı jáne kásipqoılyq daǵdylaryn qalyptastyrady jáne qazaqstandyq medıa naryǵynyń maıtalmandarymen júzdesetin bolady.

Eki kúndik shara barysynda belgili jýrnalıster jáne medıa-sarapshylardyń qatysýymen otyrystar ótedi. Onda BAQ-nyń ózin-ózi qarjylandyrý jáne ustanym qalyptastyrý joldary, beriletin aqparatqa suranys, redaktsııa ujymynyń birlese júrgizetin tıimdi jumystary jáne basqa máseleler talqylanady. Talqylaý qorytyndylary boıynsha, elimizdiń stýdenttik BAQ-na usynystar jasalady.

Sonymen qatar, tanymal jýrnalıster, bıznes-jattyqtyrýshylarmen sheberlik sabaqtaryn ótkizý kózdelip otyr. Kásibılermen barlyǵy 20 kezdesý ótkiziledi.

Forým aıasynda stýdenttik BAQ arasynda «Úzdik gazet», «Úzdik fototilshi», «Úzdik ekonomıkalyq maqala», «Úzdik áleýmettik maqala», «Bılik jáne biz», «Jas Qazaqstan kelbeti», «Sensatsııa», «Úzdik suhbat» atalymdary boıynsha baıqaý ótkiziledi.