Almatyda stýdentti óltirdi degen kúdikti jasóspirim eki aıǵa qamaldy
ALMATY. QazAqparat - Almatyda 18 jastaǵy jigitti óltirdi degen kúdikpen 15 jastaǵy jasóspirim ustaldy, dep habarlaıdy QazAqparat tilshisi.
Almatydaǵy mamandandyrylǵan aýdanaralyq tergeý sotynda Jannur Baıqonysty óltirdi degen kúdiktige qatysty bultartpaý sharasyn qoldaný máselesi qaraldy. «Aqsaı» ýnıversıtet klınıkasy bas dárigeri orynbasarynyń ulyn óltirip ketkeni týraly aqparat 14 tamyz kúni jarııalanǵan edi.
«Biz tóbelesip qaldyq, ol kezde ony óltirý oıymda bolǵan joq. Ol tiri qalady dep oıladym», - dedi sotta kúdikti. Sottyń sheshimimen kúdikti 2 aıǵa qamaý,a alyndy.
«Qamaýda ustaý merzimi 14 tamyzdan bastalady», - dedi sýdıa Jarylǵasova.
Polıtsııa QR Qylmystyq kodeksiniń 99-babynyń («Adam óltirý») 1-bóligi boıynsha tergeý júrgizip jatyr.
