Almatyda stýdentterge bireýdiń páterin jalǵa bergen alaıaq ustaldy
ALMATY. QazAqparat- Almatyda ózin páterdiń ıesi retinde tanystyryp, stýdentterdiń aqshasyn ıemdenip ketken alaıaq ustaldy, dep habarlaıdy QazAqparat tilshisi.
Almaty polıtsııasy málimetine sáıkes, 27 jastaǵy kúdikti Mańǵystaý oblysynyń týmasy, burynda alaıaqtyq jasaǵany úshin sottalǵan.
«Ustalǵan kúdikti, óziniń qurbandaryn jaldamaly páter izdeıtin jarnama saıttar arqyly taýyp otyrǵan. Kóbine nysanaǵa stýdentterdi alǵan. Ol páter izdeýshilerge, qalada uzaq ýaqyt jalǵa bere alatyn páteri bar ekenin aıtqan. Negizinde kúdiktiniń ózi páterdi birneshe saǵatqa nemese bir táýlikke jaldap, stýdentterdi shaqyryp kórsetken. Páterdiń tez tabylǵanyna qýanǵan jastar birneshe aıǵa aldyn ala tólem jasap, jalǵa alǵan úılerine qonystanady. Alaıda, stýdentterdiń qýanyshy páterdiń naǵyz ıesi kelgende sý sepkendeı basylǵan. Orta eseppen alaıaq páter úshin shamamen 100-120 myń alyp otyrǵan. Onyń barlyq qurbandary tek stýdentter, negizinen 18-19 jas aralyǵyndaǵy jastar. Ol tipti jerlesterin de aldady»,- deıdi Áýezov aýdandyq polıtsııa basqarmasynyń bastyǵy Álisher Tursynbetov.
Qazirgi ýaqytta ustalǵan azamat osyǵan uqsas 15 qylmys jasady degen kúdikpen Almaty qalasynyń PD ýaqytsha ustaý ızolıatoryna qamaldy. QRQK 190-baby 3-bóligi (alaıaqtyq) boıynsha tergeý júrgizilýde.
