Almatyda stýdentterdiń úzdik prozalyq jáne poezııalyq shyǵarmalar jınaǵy jaryq kórdi
ALMATY. Qazannyń 14-i. QazAqparat /Erlik Erjanuly/ - Búgin Almatydaǵy ál- Farabı atyndaǵy ulttyq ýnıversıtetinde «Uıqyashar» jáne «Aıdyndaǵy arýyma» dep atalatyn 2 kitaptyń tusaýkeseri ótti.
Byltyrǵy jyly QazUÝ-dyń 75-jyldyq mereıtoıyna oraı stýdentterdiń «Seltetkizer» dep atalatyn shyǵarmalar jınaǵy shyqqan bolatyn. «Uıqyashar» sonyń jalǵasy retinde basylyp otyr. Oǵan stýdentterdiń iriktelip alynǵan úzdik prozalyq jáne poezııalyq shyǵarmalary jınaqtalǵan.
«Aıdyndaǵy arýyma» kitaby talantty telejúrgizýshi, jýrnalıst Rýslan Bólebaıǵa arnalǵan estelikter jınaǵy. Qurastyrýshy, qaryndasy Aınur Bólebaı. Bul kitaptyń jaryqqa shyǵýyna Aınur kóp eńbek etti. Barlyq materıaldardy jınaǵan da ózi. Al kitaptyń atyn qoıýǵa kelgende, maǵan ótinish bildirdi. «Aıdyndaǵy arýyma» dep alǵan sebebim, bul ándi Rýslan ózi oryndaıtyn», - deıdi atalmysh kitaptardyń jaryq kórýine jetekshilik jasaǵan «Qazaq ýnıversıteti» gazetiniń Bas redaktory Dármen Smaıyl.
