Almatyda stýdentterdiń «Berekeli altyn kúz» saıysy ótti
ALMATY. Qyrkúıektiń 23-i. QazAqparat /Erbol Turymbetov/ - Keshe Almatydaǵy «Arý-ana» meıramhanasynda «Berekeli altyn kúz» atty ýnıversıtetter stýdentteriniń saıysy bolyp ótti, dep habarlaıdy QazAqparat.
Sharany «Arý-ana» prodıýserlik ortalyǵy Almaty qalasy Jastar saıasatyn damytý basqarmasynyń qoldaýymen uıymdastyryp otyr. Saıystyń maqsaty stýdentterdiń ózara baılanysyn nyǵaıtý, ónege, salaýatty ómirge, mádenıetke baýlýǵa baǵyttalǵan. Oǵan elimizdiń jetekshi oqý oryndary: ál-Farabı atyndaǵy QazUÝ stýdentteri, Qazaq memlekettik QyzPÝ-niń «Aqtumar» toby, QazUAÝ-niń «Altyn dán» toby, Abaı atyndaǵy QazUPÝ-niń «Aport» toby jáne T. Rysqulov atyndaǵy QazEÝ toby qatysty.
Jarysqa qatysýshylar 5 atalym boıynsha synǵa tústi. Qorytyndysynda 1-shi oryndy «Aqtumar» toby ıelense, 2-shi oryn «Aport» tobyna buıyrdy. Merekeli kesh barysynda estrada juldyzdary óner kórsetti.
