Almatyda stýdentterdiń aýyl sharýashylyǵy baǵytyndaǵy respýblıkalyq ǵylymı konferentsııacy bolady
ALMATY. 11 naýryz. QazAqparat - Almatyda 14-15 naýryz kúnderi stýdentterdiń aýyl sharýashylyǵy baǵytyndaǵy XVII respýblıkalyq ǵylymı konferentsııasy bolady. Qazaq ulttyq agrarlyq ýnıversıtetinde ótetin bul sharaǵa 10 joǵary oqý orny qatyspaq.
Onyń ishinde K.Skrıabın atyndaǵy Qyrǵyz ulttyq agrarlyq ýnıversıteti, Belorýs memlekettik agrotehnıkalyq ýnıversıteti, K.Tımırıazev atyndaǵy Reseı memlekettik agrarlyq ýnıversıteti ókilderi de bar.
Uıymdastyrýshylardyń habarlaýynsha, konferentsııaǵa qatysýshylardyń basym bóligin Almaty gýmanıtarlyq-tehnıkalyq ýnıversıteti men Ál-Farabı atyndaǵy Qazaq ulttyq ýnıversıtetiniń stýdentteri quramaq. Oǵan sondaı-aq, S.Seıfýllın atyndaǵy Qazaq agrotehnıkalyq ýnıversıteti, Shákárim atyndaǵy Semeı memlekettik ýnıversıteti, A.Baıtursynov atyndaǵy Qostanaı memlekettik ýnıversıteti, M. Dýlatı atyndaǵy Taraz memlekettik ýnıversıteti men Kaspıı qoǵamdyq ýnıversıteti ózderiniń eń úzdik stýdentterin jibergeli otyr. Máselen, konferentsııaǵa tek Qazaq ulttyq agrarlyq ýnıversıtetinen ǵana aýyl sharýashylyǵy ǵylymynyń ártúrli baǵyttary boıynsha 500-den astam baıandama ázirlenýde.
