Almatyda stýdentter dalada qonyp júr degen aqparat shyndyqqa janaspaıdy - mınıstrlik

NUR-SULTAN. QazAqparat – Ǵylym jáne joǵary bilim mınıstrligi jelide taraǵan Almatydaǵy stýdentter dalada qonyp júr degen aqparat shyndyqqa janaspaıtynyn habarlady.

«Almatydaǵy stýdentter dalada qonyp júr» degen saryndaǵy habarlamalar sońǵy kúnderi birqatar aqparattyq saıt pen áleýmettik jelide taraǵan edi. Mınıstrlik olardy muqııat zerdelep, kópshiligi bir paraqshadan alynǵanyn jáne ondaǵy málimettiń rastalmaǵanyn habarlaıdy. BAQ ókilderi men áleýmettik jelidegi paraqsha ıeleri mınıstrliktiń baspasóz qyzmetine ol stýdentter jaıly naqty derekterdi usyna almady. Osyǵan oraı qoǵam ókilderi men Buqaralyq aqparat quraldaryn tek resmı aqparatqa senýge shaqyramyz. Stýdentterdiń jataqhanaǵa ornalasýyna qatysty suraqtar týyndasa joǵary oqý oryndarynyń ákimshiligine habarlasýdy suraımyz. Al, ýnıversıtetter shákirtterdi jataqhanadaǵy oryndarmen qamtamasyz etýde. Sondaı-aq qajet bolǵan jaǵdaıda oryn jetpegen stýdentter hostelder men qonaqúılerge ornalastyrylady. Aıta ketý kerek, Ǵylym jáne joǵary bilim vıtse-mınıstri Qýanysh Erǵalıev stýdentterdi jataqhanamen qamtý máselesi tolyq sheshilgenshe Almatyda bolady. Ol jaǵdaıdy tikeleı baqylaýynda ustaıdy», - delingen mınıstrlik habarlamasynda.