Almatyda stýdent qyzdyń qaltasyn qaqqandar ustaldy (FOTO)
ALMATY. QazAqparat - Almaty polıtseıleri stýdent qyzdyń qaltasyn qaǵyp úlgergen eki er adamdy qylmys ústinde ustady. Bul týraly qalalyq ІІD-niń baspasóz qyzmeti habarlady.
Sh.Qaldaıaqov kóshesindegi aıaldamalardyń birinde qoǵamdyq kólikke otyrǵan qyz telefony urlanǵanyn ańǵarmaǵan.
«Meniń paltomnyń qaltasynda jańa telefon bar edi. Olardyń qalaı alǵanyn bilmeımin. Olardyń birinen meniń telefonym tabyldy. Qatty asyǵys edim. Polıtseılerge alǵysym sheksiz», - dedi múlik ıesi.
Medeý aýdandyq ІІB atalǵan derek boıynsha sotqa deıingi tergeý amaldaryn bastap ketti.
«Kúdiktiler bolsa ózderiniń bul iske turmys taýqymetinen barǵandaryn aıtqan. Biraq, olardyń ózge de qylmystarǵa qatysty bolýy ǵajap emes, sondyqtan turǵyndarǵa osy adamdardyń beınesine jaqsylap qarap alýyn ótinemiz. Eger kim-de kim olardyń áreketinen japa shekse, myna telefondarǵa 254-40-12, 254-43-93 habarlasýyn suraımyz», - dedi qalalyq ІІD krımınaldy polıtsııa basqarmasynyń basshysy Janbolat Zıadın.
