«Almatyda stýdent kóshede tigilgen shatyrda turyp jatyr» - feık

ASTANA. QazAqparat - Almatyda eki kósheniń qıylysynda turǵan shatyrdyń vıdeosy tarady. Rolıktiń sıpattamasynda «baspanany jalǵa alýdyń qymbattyǵyna baılanysty stýdent osyndaı qadamǵa barýǵa májbúr» dep jazylǵan. Stopfake.kz málimettiń ras-ótirigin anyqtady, dep habarlaıdy QazAqparat.

«Іs júzinde bul shatyr «Bıtelekom» kompanııasyna tıesili. Kompanııa qyzmetkerleri ony qoldanystaǵy telefon kanalızatsııasynda kabel tartý jumystaryn júrgizý yńǵaıly bolýy úshin ornatqan.

Polıtsııa qyzmetkerleri túsirgen vıdeoda palatka ishinde kompanııa qyzmetkerleriniń otyrǵany, olardyń jumys júrgizýge ruqsaty jáne jeke qujattarynyń bar ekeni kórsetilgen.

Demek, Almatyda kóshede shatyr tigip, turyp jatqan stýdent týraly aqparat – feık. Rolıkte kórsetilgen shatyr kabel tóseý jumystarymen aınalysatyn kompanııaǵa tıesili», - delingen Stopfake.kz málimetinde.